وتار
بۆچی حیزبی كوردی رەخنە قبوڵ ناكات؟

كەریم عەبدوڵڵا هەرتەلی




حیزبی كوردی لەروژی دروستبوونیەوە هەلگری چەند نەخۆشیەكە كە لە یەكێك لە قوناغی ژیاندا ئەو نەخۆشیە ی لێ‌ دەردەكەوێت كە كاتیێكیش دەگاتە قوناغی خەباتكردن و ئەوپەری نفوزی خوی ئەوە ئەو كاتە زۆرینەی حیزبەكانی كوردستان زۆرینەیان هەڵگری ئەو نەخوشیەن كە ئاماژەمان پێدان كە ئەویش رەخنە قبوڵ ناكەن و پێشنیارەكانیش بەهەموو شێوەیەك رەت دەكەنەوە هەموو بۆچونێكیش بو خوی بە حەڵاڵ و بو بەرامبەرەكەی بە حەرام ئەزانێت ئەمەش وایكردووە حیزبایەتی لە كوردستانەوە هەر لەسەرەتاوە لەسەربنەمایەكی هەڵەوە گەشەبكات.
رەخنەگرتن لە حیزب بە پێ‌ ی زۆرینەی پێوەرەكانی جیهانی ئیدامەی بەردەوام و گەشە دەداتە هەر حیزبێك كاتێك ئەو حیزبە قبوڵی رەخنەكانی بكات و سوود لە هەڵەكان و كەم و كوریەكانی و رابردووی پڕهەلەی خۆی وەربگرێت بەڵام حیزبی كوردی بە هەمووشێوەیەك رەخنە رەتدەكاتەوەو قبوڵی رەخنە ناكات لەبەر ئەوەی قبوڵی رەخنەش ناكات هەمیشە حیزبی كوردی كێرڤی گەشەی لەدابەزیندایەو دواجار ماڵئاوا ئەكات و لە كاری بێ‌ بنەمامو گەندەڵی كۆمەڵێك پاشماوەی خراپ لە دوای خۆی بەجێدەهێڵێ‌.
ئەمرو حیزبەكانی كوردستان لە هەڵەیەكی زەقی بێئەندازەدا ئەژین كە كاریگەری خراپی كردوتە سەر خویان بە گشتی بە تایبەتی تر سەر ژیانی كۆمەڵانی خەڵكی كوردستان بەهۆی ئەوەی رەخنە قبوڵناكەن گوێ‌ بە پێشنیار نادەن كاتێك كەسانێك رەخنە لەبەرنامەكەیان لە رابردوویان لە هەڵسوكەوتیان دەگرەن هەركاتێك كەسێك یان نووسەرێك یان رۆژنامەنووسێك رەخنە لە حێزبێك دەگرێت بێئەوی ئەو حیزبە بزانێت رەخنەكە لەكام بەرەو كام شێوەدایە چۆن رەخنەكەیە ئەو حیزبە وەڵام ئەداتەوەو یان چ سوودێك لە رەخنەكە وەربگرێت ئەوەیەكسەر توهمەی ئەوە ئەخاتە پاڵ ئەو كەسەی رەخنەی گرتووە كە دەستێكی لەپشتە یان بەكرێ‌ گیراوی لایەنێكە یان جاسوسە یان هەر توهمەیەكی تر كە لەبنچینەشدا وا نیە بەڵكو هۆیەكە ئەوەیە حیزبی كوردی بە هیچ شێوەیەك رەخنەی بەرامبەر قبوڵ ناكات و گوێ‌لە پێشنیارناگرێت، لەهەمووشی خرابتر كاتێك رەخنە قبوڵ ناكات لەبەرامبەری كاتێك دۆستێكی یان ئەندامێكی لێی جیائەبێتەوە دەیان توهمەو بوختانی بۆ هەڵئەبەستن جارێك بە ترسنۆك و جارێك بە خەت مائیل و جارێك بە كرێ‌ گیراو جارێك بە جاسووس و هەندێ‌ جار بەنەبوونی ئەخلاقی سیاسی دەدەنە قەڵەم بەڵام كاتێك هەمان كەس لەگەڵ خۆیان بووە كەسێكی تێكۆشەی خاوەن هەڵوێست و بووە بۆیە حیزبی كوردی لەچەندین قەیرانی خرابدا دەژیت كە ناتوانێت خۆی لێ‌ لابدا دواجار بە خرابی بەسەریدا دەشكێتەوەو خەڵكی كوردستانیش زیانێكی زۆیان بەردەكەوێت لەم نێوەندەشدا ئەو حیزبە جگە لە خوی كە زەرەرەمەندی سەرەكیەتی كومەلەلگاش دەخاتە دووریانێكی مەترسی دارەوە.
دوای تێكچونی رەوشی هەرێمی كوردستان كە ماوەی چەند ساڵێكە كوردستان بە حاڵەتێكی هەستیاری قەیراناویدا گوزەر ئەكات و كۆمەڵانی خەڵكی كوردستانێش لەبەرباری گرانی سەر شانیان و لەبەردەم ئەو قەیرانە ئابورەیی كە تێكەوتوون تاكە هوكارێك كە پەنای بو ببەن رەخەنەو شەری تۆرە كۆمەی ڵایەتیەكانە بەڵام رەخنەی خەڵكی كوردستان نەك هەر كاریگەری نەكردووتە سەر حیزبەكانی كوردستان بە پێچەوانەوە، رەخنەكان حیزبەكانی توورەتر كردووە وایلێهاتووە زۆر جار حكومەت ویستویەتی یان حیزبێك ویستویەتی هەنگاوێكی چاكسازی بە ئاراستەی چاكردنی ژیانی خەڵكیدا هەڵبهێنێت بەڵام كاتێك رەخنەیەك لەو حیزبە گیراوە یان پێشنیارێكی بۆ كراوە ئەوە ئەو حیزبە یان ئەو كەسە یان حكومەت لە كارەكەی پەشیمانبووەتەوەو بەمەترسی لەسەر خۆ زانیووە ئەمەش بەڵگەی تەواو روون و ئاشكرایە كە حیزبی كوردی نەرەخنەی قبوڵەو نەپێشنیار، بۆیەش تادێت حیزبی كوردی لە ناو كومەلانی خەڵكی كوردستان ناشیرینترو نامۆترو قێزەونتر دەبێت و، ئەمەش وادەكات خەڵك رەخنەو پێشنیاری بەردەوامی هەبێت حیزب و حكومەتیشەربەردەوام گوێ‌ ی پێنەدات و سەرئەنجام هەردوولا زەرەرمەندن و دواجار كەلێنێكی گەورە لەنێوان خەڵك و حكومەت و حیزبەكان دروست دەبێت و دواجاریش گەلی كورد زەرمەندە لە ئێستاو لە داهاتوو لە ستراتیجی دا، هەروەك ئێستا خەڵك لەبەرەی نەخێردایە لەمەسەلەیەكی چارنووسازی( ریفراندوم)دا ئەمەش ئەوە دەر ئەخات كە حیزبی كوردی نە رەخنەی خەڵك و نەپێشنیاری خەڵكی قبولەو خەڵكیش لەكاتە چارەنووس سازەكاندا وەڵامی حیزبەكان وحكومەت ئەداتەوە بەمەش هەردوولا زەرەمەند دەبن ئەوەی قازانجیش دەكات دوژمنانی كوردن بۆیە ێویستە حیزب لە رەخنەو پێشنیاری خەڵك نەترسێ‌ وگوێ‌ بگرێت لەرەخنە ی باش و پێشنیارە باشەكان ئەگەر نا كورد و شورەشەكەی تا هەتایی لە شوێنی خویان راوح دەكەن و هەلە زێرین و مێژوویەكانیش لەدەست دەچن.


‌ 256 جار بینراوه‌
09/09/2017
Print Friendly and PDF
بابەتەکانی تری نوسەر
Telerik
هۆشیار مەلا عەبدولڕەحمان
پارێزەر: لوقمان مستەفا ساڵح
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved