»  شۆک
لەكەركوك مامەڵەكردن بە ماددە هۆشبەرەكانەوە تەشەنە دەكات
ئا / ئەحمەد حەسەن خدر



ماددەی هۆشەبەر لەشاری كەركوك تەشەنەی كردوەو بەشیوەیەكی گشتی لەسەر كوچەو شەقامەكان وكڕین و فرۆشتنی پێوە دەكرێت.

تەشەنە كردنی دیاردەكە مەترسییەكە بۆ ئاڵوودە بوون و گیرۆدەی بوونی گەنجان بەو ماددە ترسناكانەوە، بەهۆی سستی گرتنە بەری ڕێو شوێنی یاسایی دیاردەكە بەشێوەیەكی زیاد تەشەنە دەكات لە كاتێكدا بە پێی یاسای ژمارە ( 3 )عێراقی هەر كەسێك بازرگانی بە ماددەی هۆشبەرەوە بكات ماوەی 3 بۆ 15 ساڵ حكوم دەكرێت.
بازرگانەكان لەرێگای قاچاخەوە ماددەی تریاك دەهێینە كەركوكەوە، ئەوان بۆ مەرام و بەرژەوندی خۆیان و لەپێناو بەدەستهێنانی برێك سەرمایە ئەو ژەهرە بەناو گەنجاندا بڵاو دەكەنەوە، دەیانەوێ گەنجێكی زۆر ئاڵوودەی ئەم ماددانە بكەن تا زۆرترین فرۆشیاراین هەبێت. بەوتەی تۆێژەرێكی كۆمەڵایەتی ئاشكرای مامەڵەكردن بە ماددە هۆشبەرەكانەوە لەكەركوك بەرێژەیەكی بەرچاو رووی لەزیاد بوون كردوە هۆكارەكەشی گەڕاندەوە بۆ نەبوونی سەقامگیری ئەمنی لە شارەكەو هێزە ئەمنیەكانیش بەكەمتەرخەم دادەنێت و دەڵێت “ ئەو هێزە عیراقیانە خەڵكی شاركەنین لەباشوور عێراقەوە هاتوون هیچ دڵسۆزییەكیان نیە بۆ شاركە”.
وەفا موحەمەد حوسێن بەم جۆرە بۆ رۆژنامەی هەواڵ پێناسەی ماددە هۆشبەرەكانی كرد “ماددیەكی كوشندەیە زۆر بەئاسانی ئاڵوودەی دەبیت بە زحمەتی چارەسەردەكرێت”.
وەفا زیاتر وتی “ بڵاوبونەوەی ماددە هۆشبەرەكان كۆمەڵگە بەرەو ئاراستەیەك دەبات دوور لەهەموو مرۆڤایەتیە” دیاردەكەشی بە جەنگێكی شاراوە وەسف كرد كە لەهەموو روویەكەوە كۆمەڵگە بەرەو رووخان دەبات .
ئەو توێژەرە وتیشی ئەوگەنجانەی كەپەنایان بردۆتە سەری بەهۆی بێ كاری و دەس بەتاڵیە بێ ئاگابوونی خێزانەكانیان لە هەڵسووكەوتی منداڵەكانیان، پێیشیوایە كافتریاكان هۆكارێكی سەرەكی بۆ ماددە كڕین و فرۆشتنی ماددە هۆشبەرەكانە، جەختی لەسەر خاڵە سنوریەكانش كردەوەو داوای لەلایەنی پەیوندیدار كرد خاڵە سنورییەكان تۆكمە بكرێت بۆ رێگری كردن لە بازرگانی بە ماددە بێ هۆشكەرەكان. 
هەر سەبارەت بە كاریگەرییە نەرێنییەكانی تلیاك، دكتۆر ئەیوب عبدالحمید بەڕێوەبەری خزمەتگوزاری تەندروستی دەرونی لە نەخۆشخانەی كەركوك بۆ هەواڵ وتی “كاریگەری خراپی دەبێ لەسەر خانەكانی مێشك و ئەركەكانی، لەسەر وەرگرتنی زانیاری بە هەڵە و وڕێنەكردن، پاڵنەری سەرەكیشە بۆ كاری نەشیاو. جگە لەوەی كاریگەری سلبی هەیە لەسەر لەش و سیستەمی رێكخستنی مرۆڤ. كەدەبێتە هۆی دروست بوونی نەخۆشی وەك (هەوكردنی جگەر و ئایدز).
لەنەخۆشخانەی ئازادی یەكەیەكی تایبەت هەیە بۆ پێشوازی لەو نەخۆشانەی كە ئاڵوودەبونە، دكتۆر ئەیوب وتی بە هەماهەنگی بەرێوبەرایەتی پۆلیس بەشی بەرنگاربوونەوەی ماددە هوشبەركان ئەو كەسانەمان بۆ دەنێرن كە بەتۆمەتی بەكارهێنانی ماددە هۆشبەرەكان بە مەبەستی ئەنجامدانی پشكنین، ئیمەش پشكنیان بۆ دەكەین بە هاوكاری بەشی (پزیشكی دادوەری) كە ئەو پشكنینانە دەنێردرێن بۆ بەغدا، 
دكتۆر ئەیوبیش جەختی لەوە كردەوە كە ئەو حاڵەتانە بە راورد بە ساڵانی پێشوو لەزیادبوون دایە.
بەپێی زانیارانەی دەست رۆژنامەی هەواڵ كەوتوون، ئەو ماددانەی لەكەركوك كڕین و فرۆشتنی پێوە دەكریت بریتین لە ( كریستاڵ و رەش و حەشیش و تریاك و پایپ) كەنرخی ئەم مادانە لە 25 هەزارەوە دەس پێ دەكات تا 80 هەزار هەندێ جارش بە شێوەی جگەرە دەفرۆشتریت كەپێی دەڵێن (حەشیشەی ئەفغانی) كەنرخی ئەمەش دەكاتە 35 هەزار.
پارێزەرێكیش پۆلیسی نەهێتشنی تاوانی بەكەم تەرخەم دادەناو دەڵێت بازگە سنورییەكانی كەركوك تۆكمەنین و بەر بەرەڵان، ئاشكرایشی دەكات “زۆر بەی ئەو بازرگانە كە گیراون خەڵكی دەروەی كەركوكن واتە باشووری عێراق، ئەمە لەكاتێكدایە لەیاسای عێراقی 17بابەت باس لە ماددە هۆشبەرەكان دەكات.
پارێزەر یەحیا بورهان دەڵێت “كێشەكە ئەوەیە رۆژ بەرۆژ لەزیادبووندایە، چونكە تائیستا هیچ بەربەستێكیان بۆ دانەنراوە، ئەوانش هەوڵدەن ماددەی زیاتر بێنن، زیاتر لەم مانگانەی رابروودا دەركەوتووە وە چێنراوە وەكو ( خەشخاش و ئەفیون و رووەكی كوكە”. 
یەحیا ئاشكرای دەكات كە سزای مامەڵەكردن بە تلیاكەوە بریاری لەسێداردانە یان زیندانی هەتا هەتایی یانش ماوەی 10ساڵە . 
پارێزەر یەحیا ئەووشی ئاشكراكرد “هەندێ لەو بازرگانانە بە بەرتیل كەبرە پارەیەكی زۆرە لەلایەن دادوەركانەوە بەردەدرێن ماددە بیهۆشكەرەكانشیان رادەست دەكریتەوە”.
یەحیابورهان باسی لە فێڵێكی دیكەدا بۆ دەربازبوون لە سزادان  وتی “ هەندێ جار لەكاتی گرتنیان فایلەكەنیان دەگۆڕدریت بە بەرانبەر بەرتیل ئازاد دەكرێن”.
هەواڵ چەندین جار پەیوەندی كرد بە پۆلیسەوە بەلام كەس نەبوو لەسەر دیاردەكە لێدوان بدات.

‌ 410 جار بینراوه‌
9/14/2018 10:52:52 PM
Print Friendly and PDF
بابەتی زیاتر ...
راپرسی
?? ?????????? ??????? ???? ?? ??? ???? ??????

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved