نوێترین
روحانی: لەپاڵپشتیکردنی قەتەر بەردەوام دەبین   |    ئه‌مریكا داواده‌كات كێشه‌ی قه‌ته‌ر و وڵاتانی كه‌نداو گه‌وره‌تر نه‌كرێت    |    ته‌نها له‌ 1%ی موسڵ له‌ چنگی داعشدا ماوه‌   |    عه‌ممار حه‌كیم: كورد به‌شێكه‌ له‌ ڕۆحی نیشتمان   |    عیراق ١٠٠ ملیار دۆلاری پێویسته‌ بۆ ئاوه‌دانكردنه‌وه‌ی ناوچه‌كانی ژێر چنگی داعش   |    وه‌زیری كشتوكاڵ: ئێران به‌ڵێنی داوه‌ به‌شێكی ئاوی زێی بچوك به‌ربده‌نه‌وه‌   |    شوان داودی:نه‌قیی رۆژنامه‌نووسانی كوردستان پێنج کەس کارمەندی ئیداری و شوفێرەکەی وه‌كو شاره‌زا بۆ لێكۆڵینه‌وه‌ له‌ دۆسیه‌كی دادگا ده‌ستنیشانكردوه‌   |    عەدنان موفتی: ریفراندۆمێكی یاسایی‌و بەهێز پپێویستی بەپەرلەمانە   |    گه‌ریلاكانى هه‌په‌گه‌ باره‌گایه‌ك ده‌كاته‌ ئامانج كه‌ وه‌زیری ناوخۆی توركیای تێدابوه‌   |    له‌ هێرشێكی ئاسمانیدا له‌ ئه‌نبار ده‌یان تیرۆرست كوژران   |   
كوردی  |   عربي
»  پەڕەموچ
چیرۆك بۆ منداڵان.. دارگوێزەكەی مام هۆمەر
رەزا شوان


                                                        

لە باشووری كوردستاندا، لە نزیك دێیەكی قەشەنگ و جواندا، كانییەكی گەورە هەیە. ئاوێكی زۆری روون و سارد و شیرینی لەبەر دەڕوات.. هەموو خەڵكی دێیەكە بە ئاوی شیرینی ئەو كانییە حەسانەتەوە.
مام هۆمەر پیاوێكی بەتەمەن و دانای دێیەكەیە، خەڵكی دێیەكە زۆر خۆشیان دەوێت. مام هۆمەر هەر لە منداڵییەوە حەزی لە سەوزایی و لە داری بەردار و گوڵ و گۆڵزار دەكرد.. لەسەر پێشنیاری ئەمیش بوو، كە هەموو ساڵێك لە وەرزی بەهاردا، هەر ماڵێكی دێیەكە، دارێك یا دوو داری بەردار و، دارێكی گوڵیان لە ئەمبەر و ئەوبەری جۆگەی كانییەكەدا دەڕواندن و خزمەتیان دەكردن.. لە ماوەی چەند ساڵێكدا چەمێكی گەورەی داری بەردار و، باخچەیەكی پڕ لە گۆڵەباخ دروست بوون. لە ئەمڕۆدا خەڵكی دێیەكە، بە بۆنی گوڵەباخە گەشەكانیان مەست دەبن، بە خواردنی میوە خۆشەكانی بەری دارەكانیانشیان خەنی دەبن.
لە نزیكی كانییەكەدا دارگوێزێكی گەورە هەیە، كاتی خۆی مام خەسـرەوی باوكی مام هۆمەر بە نەمامی ئەو دارگوێزەی لە هەورامانەوە هێنابوو، لە رۆژی لە دایكبوونی هۆمەری كوڕیدا لەو شوێنەدا رواندبووی.. مام هۆمەر ئەو دارگوێزەی زۆر لا شیرینە، خزمەتێكی تایبەتی دەكات، چونكە یادگارییەكی جوانی باوكێتی.. خەڵكی دییەكەش بە (دارگوێـزەكەی مام هـۆمەر) ناوی دەبن.. گوێزێكی زۆر ناسك و خـۆش دەگـرێ، هەموو خەڵكی دێیەكە بەشی خۆیانی لێدەخۆن.
ژێر دارگوێـزەكەش، بووە بە ژوانگەی منـداڵان و لاوان.. لەبنیدا یاری دەكەن و هەڵدەپەڕن و بەزم و رەزمی خۆش دەگێڕن.. زۆر جاریش مام هۆمەر و پیاوان و ئافرەتە بە تەمەنەكانی دێیەكە، عەسرەچایەك لەبن دارگوێزەكەدا دەخۆنەوە.. قسەی قوت و گاڵتە و گەپی خۆش دەكەن. 
رۆژێك منداڵانی دێیەكە چووبوونە سەر لقەكانی دارگوێزەكە، چەند لقێكی ناسكیان لێشكاندبوو، گەڵایەكی سەوزی زۆریشیان لێوەراندبوو.
كە مام هۆمەر ئەم دیمەنەی بینی، زۆر دڵگران بوو.. بۆ سبەینێی دوای ئەو رۆژە، كە منداڵكان هاتن و ویستیان وەكو رۆژان لەبن دارگوێزەكەدا یاری بكەن.. مام هۆمەر رێی پێگرتن.
مام هۆمەر: بۆتان نییە لەبن دارگوێزەكەدا یاری بكەن.
منداڵەكان: بۆ مام هۆمەر، بۆمان نییە؟ چی بووە؟
مام هۆمەر: جا چیتان نەكردووە.. دار گوێزەكە دوێنی زۆر گلەیی لێتان كرد و، لێتان زیزبووە.. بۆچی ئەو لقە ناسكانەیتان شكاندووە و، ئەو گەڵا گەشانەیتان وەراندووە..؟ دەزانن كە كارێكی زۆر ناشیرینتان كردووە.
منداڵەكان لە شەرمەزاریدا سەریان داگرت.. هەستیان بە هەڵەكەیان كرد.
منداڵەكان: مام هۆمەر، ئێمە دان بە هەڵەكەماندا دەنێین.. داوای لێبووردنت لێدەكەین.
مام هۆمەر: بڕۆن لە پێشا بن دارگوێزەكە لەو لق و گەڵایانە باش پاك بكەنەوە.. ئینجا داوای لێبووردن لە دارگوێزەكە بكەن.
منداڵەكان جوان بن دارگوێزەكەیان پاك كردەوە.. ئینجا چوون دەستەكانیان لە ئاوی كانییەكەدا شۆرین.. گەڕانەوە و چوونە بەردەم دارگوێزەكە.
منداڵان: دارگوێزە خۆشەویستەكەمان.. ئێمە دوێنی هەڵەیەكی گەورەمان كرد، ئازاری تۆمان دا، زۆر پەشیمانین، بمان بەخشە، داوای لێبووردنت لێدەكەین.
دارگوێزەكە: منداڵە نازدارەكـان، ئەی نازانن كە منیش حەز بە ژیـان دەكەم.. ئێرە نیشتمانی منیشە.. منیش بوومەتە نیشتمانی بە دەیان چۆلەكەی خنجیلانە كە رۆژانە لە سەر لقەكانمدا دەنیشنەوە و جریوە جریوی خۆشتان بۆ دەكەن.. دارێكی سوودبەخشم ئێوە لە بەرەكەم دەخـۆن، لەژێـر سێبەرەكەمدا یاری دەكەن.. گوریس بە لقەكانمەوە دەبەستن و جۆلانی دەكەن.. من بە رۆژ گازی ئۆكسجیتان پێدەبەخشم و.. گازی دووەمی كاربۆنیش هەڵدەمژم، تا زیان بە ئێوە نەگەیەنێت.. ئەوەش بزانن كە منیش وەكو ئێوە، هەست بە خۆشی و ناخۆشی و بە ئازار دەكەم.
منداڵەكان( بە شەرمەزارییەكی زۆرترەوە): دارگوێزە جوانەكەمان، بەس ئەمجارە لێمان ببوورە، بەڵێن بێ كە هەرگیز كاری ناشیرینی وا دووبارە ناكەینەوە.
دارگوێزەكە (بە زەردەخەنەیەكی ناسكەوە): هـاوڕێ شیرینەكـانم، من ئێوەم زۆر خۆشدەوێ، دەزانم ئێوەش منتان زۆر خۆشدەوێ.. لێتان دەبوورم.. ئاشت بووینەوە.

منداڵەكان (بە خۆشی و گەشییەوە): زۆر سوپاس دارگوێـزە جوان و بەسوودەكەمان، ئێمەش بڕیاری دەدەین، لە ئەمڕۆە دەبینە هاوڕێیانی دار و درەخت و ژینگەپارێزی كوردستانی رەنگینمان.
دارگوێزەكە: هەر بژین.. دەی هاوڕێكانم، چاوم لێتانە.. وەكو رۆژان، یـاری بكەن.. گـۆرانی خۆش بڵێن.. جـۆلانێ بكەن.. هەڵپـەڕن.. پێبـكەنن.
‌ 103 جار بینراوه‌
6/13/2017 12:59:51 PM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved