»  وەرزش
محەمەد كەریم یاریزانی لاوی تیپی بالەی شێروانە : یاریكردنـم بـۆ هەڵبـژاردەی عــێراق رەتكـــردەوە



وەزرشوانی لاو محەمەد كەریمی تەمەن (19) ساڵ و  یاریزانی تیپی بالەی شێروانە، لە دیدارێكی وەرزشیدا چەند باسێكی گرنگی ژیانی وەرزشی بۆ لاپەرەی وەرزشی (هەواڵ) دەخاتە روو، هاوكات باس لەوەشدەكات:”یانەی پێشمەرگەی سلێمانی فێرگەیەكی گرنگە بۆ یاریزانانی لاو و تازە پێگەیشتوو”.


*كاروانی وەرزشیت لە كوێوە دەستپێكرد و كێ هاوكارت بوو؟
- لە ساڵی 2013 لە شارۆچكەی پردێ دەستم بە یاریكردنی بالە كرد و لە سەرەتای دەستپێكردنیشمەوە= مامۆستا شەمال جەلال زۆر هاوكارم بووەو  ماندووبوو لەگەڵمدا .
*سەرەتا لەچ یانەیەكەوە دەست بە وەرزش كردووە؟
-سەرەتا لە ریزی تیپی لاوانی یانەی ئاڵتوون كۆپری دەستم بە یاریكردن كردووە و هەر لەو یانەیەش بەشداری خولی لاوانی یانەكانی كەركوكم كردوو و توانیمان پلەی دووەم بەدەست بهێنین.
* گرنگترین یانە كە یاریت بۆی ئەنجامداوە كام یانە بووە؟
-  لەگەڵ یانەی سەورە بەشداری خولی پلە یەكی عێراقم كردووە و لەگەڵ یانەی شۆریجەش بەشداری خولی كوردستانم كردووە و لە یانەی  پێشمەرگەی سلێمانیش بانگهێشتكرام و دواتر  نوێنەرایەتی یانەی شێروانمان  كرد لە ركابەرییەكانی خولی نایابی ئاستی (بی) عێراق و توانیمان سەركەوین بۆ قۆناغی كۆتایی خولەكە كە چاوەروان دەكرێت لە ئایندەیەكی نزیكدا بەرێوەبچێت.
*هۆكاری بە شدارینەكردنت لە خولی نایابی عیراق لە وەرزی رابردوو لەگەڵ یانەی پێشمەرگەی سلێمانی بۆچی دەگەرێتەوە؟
- بەحوكمی ئەوەی لەگەڵ یانەی سەورە بەشداریم كردبوو لە خولی پلە یەكی عێراق نەمتوانی بەشداری خولی نایاب بكەم لەگەڵ یانەی پێشمەرگەی سلێمانی، بەڵام لە سەر ئاستی كوردستان دەتوانم بەشداریبكەم و بەو هیوایەم بتوانین ئاستێكی بەرز پێشكەشبكەین.
 *ئەزمونیی وەرزشیت لە یانەی پێشمەرگە چی پێبەخشیت ؟
-بێگومان یاریكردن لە یانەیەكی وەك پێشمەرگەی سلێمانی دەبێتە فێرگەیەك بۆ یاریزانانی لاو و تازە پێگەیشتوو بەندەش لەو یانەیە زۆر شت فێربوومە و بەردەوامم لە فێر بوون .
* ئەستێرەكانی تیپی بالەی سلێمانی تا چەند هاوكارت بوونە؟
-سەرجەم یاریزانەكانی پێشمەرگەی سلێمانی هاوكارم بوونە بە تایبەتی كاپتن عەلی تەها كە بە بەردەوام و هاوكاری و رێنیشاندەرم بوونە .
*وەكو یاریزانێكی لاو چۆن گەشە بە خۆت دەدێت ؟
- بەردەوام دەبم لە راهێنان و تەنەنات لەو كاتەی لە ماڵەوەشم هەوڵی راهێنان دەدەم ، چونكە لە دوای هەموو ناخوشیەك خۆشی هەیە و تا ماندو نەبیت ناگەێتە شوێنی مەبەست
* بە پێی زانیاركانمان بانگهێشتی هەڵبژاردەی لاوانی عێراق كراویت ؟
- بەڵی لەم ساڵەدا بانگهێشت كرام بۆ ریزی هەڵبژاردەی لاوانی عێراق بۆ بەشداریكردن لە پاڵەوانێتی وڵاتانی عەرەبی بەڵام بە هۆی سەرقاڵ بوونم بە خوێندنەوە نەمتووانی پییوەندیان پێوە بكەم و بەشداربم.



‌ 139 جار بینراوه‌
7/15/2017 9:09:42 AM
Print Friendly and PDF
بابەتی زیاتر ...
راپرسی
کێ بەرپرسە لەم دۆخەی ئێستای کوردستان؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved