نوێترین
ئەمریكا رێگری لە رادەستبوونی چەكدارانی داعش بە پێشمەرگە دەكات    |    بە هۆی نوێنەكردنەوەی تۆماری دەنگدەران گەنجانی تەمەن 18 - 21 ساڵ مافی دەنگدانیان نییە   |    تەنها چوار پەلەمانتاری سوننە دژی بڕیاری لادانی پارێزگاری كەركوك بوونە    |    بەبێ هەماهەنگی پێشمەرگە ئۆپراسیۆنی كۆنترۆڵكردنەوەی حەویجە دەستپێناكات   |     تا ئێستا لە كەركوك بەشی تەندروستی تایبەت بە ئاڵودەبووانی ماددەی هۆشبەر نییە   |    كەم نەكردنەوەی نرخی مولیدە ئەهلییەكان ناڕەزایی خەڵكی كەركوكی لێ دەكەێـتەوە   |    بڕیارە سبەی یەكشەممە پارەی پترۆدۆلاری مامۆستایانی خوێندنی كوردی لە كەركوك دابەشبكرێت   |    بە پەلە .. سەبارەت بە ریفراندۆم ئەنجومەنی مەڵبەندی كەركوكی یەكێتی دەنگیان بە (بەڵێ)یەك دا   |    150 هەزار عەرەبی هاوردە لە تۆماری دەنگدەرانی ریفراندۆمەكەدا هەیە   |    150 چەكداری داعش لە گوندێكدان و سوپاو حەشدیش هەوڵی كۆنترۆڵكردنەوەی نادەن   |   
كوردی  |   عربي
»  باران
كاریگەریەكانی دەمارگیری ژنان ناچار بە توندوتیژی دەكات بەرانبەر بە منداڵ
ئا/ باران


"راستییەكەی زۆر ناخۆشە كە تۆ لەو پەڕی دڵپڕیدایت و منداڵێكت دێت ئەوەندەی تر سەغڵەتت دەكا ناچار بەسەر ئەودا هاوار دەكەیت و بنار خۆت خاڵی دەكەیتەوە" ئەمە وتەی بنار ساڵحی دایكە"، ئەمە وتەی بنار ساڵحی تەمەن 29 ساڵە كە دایكی دوو منداڵە.

هەرچەندە بەراورد بە مێینە، بەڵام كچان و ژنانیش بەدەرنین لەوەی كە ئەو هەستە دەرونییەیان لا دروستبێت و زۆرجار توڕەییەكانیان بەسەر كەسانی منداڵ دەردەبڕن، وەك وەڵامدانەوەیەك بەرانبەر ئەو توندوتیژیانەی دەرهەقیان دەكرێت.
بۆ (هەواڵ) وتیشی: "نایشارمەوە زۆرجار من توڕەیی خۆم بە منداڵەكانم دەركردووە و لێمداون، دوای لێدانی منداڵەكانم هەر زوو پەشیمان بوومەتەوە، بەڵام پەشیمانیش دادت نادات هەموكات".
دەربارەی توڕەیی و ئەنجامدانی توندوتیژی ئەو خانمە وتی: "لەوەتەی هەم ژیانم لە نێو توڕەیی و ئاژاوەدا بەڕێ دەكەم و ئەوەی بەسەرمدا دێت لە ناخمدا پەنگ دەخواتەوە هەر بۆیە ناچار بە خۆم و منداڵەكانی دەردەكەم".
بەوتەی پەیمان سابیر تەمەن 27 ساڵیش كە دایكی منداڵێكە، كەسێكی هەست ناسك و لەسەرخۆیە و ئەگەر توڕەكرا یاخود دڵی بشكێنرێت دەری نابڕێت و لە ناخیدا هەڵی دەگرێت، وەك خۆشی ئاماژەی بۆكرد "هەمیشە ئارامم ناڵێم توڕە نابم، بەڵام لە ناخمدا دەیشارمەوە و كەسی بەرانبەر هەست بە تێكچونی روخسارم دەكات".
لەسەر دەربڕینی توڕەیی لەگەڵ منداڵ یاخود ئەنجامدانی توندوتیژی پەیمان وتی: "ئەگەر بێزار و توڕەش بم كاتێك مناڵم بێتە لام مامەڵەی لەگەڵ دەكەم و بێتاقەتیش بم هەوڵدەدەم ناهێڵم ئەو بزانێت و ئازاری بدەم".
دەربارەی لێدانی منداڵ پەیمان وتی "هەمیشە بۆشاییەك بۆ تەنیایی دەدۆزمەوە و دەچم بە قوڵپ دەگریم و بە گریان دەریدەبڕم یانیش گاز بە دەستم یاخود پارچە پەڕۆیەكدا دەكەم و بە هەناسەی قوڵەوە خۆم خاڵی دەكەمەوە چونكە هەرگیز پێمخۆش نییە توڕەییم بڕێژم بەسەر كەسانی تردا بەتایبەت منداڵ".
توڕەبوون بە شێكە لە رەفتارەكانی هەمو مرۆڤێك و ژنانیش ئاسایی توڕەدەبن، بەڵام دەبێت لە چوارچێوەی توڕەبونی سروشتیدابێت، ئەمە وتەی توێژەرێكی دەرونییە كە لە هەمان كاتدا ژنە و دایكە.
رەنگین نوری توێژەرو رێنمایكاری دەرونی لەسەر بابەتەكە بۆ (هەواڵ) وتی: "بە گشتی هەردو رەگەزەكە كاتێك پێویستییەكیان پڕناكرێتەوە یاخود هەر داواكارییەكیان جێبەجێناكرێت نیگەران دەبن و ئەو نیگەرانییەش توڕەبوونی لێدەكەوێتەوە".
ئەو توێژەرە وتیشی: "ژن یەكێكە لەو بونەوەرانەی هەموو هەستەكانی خۆی دەردەبڕێت و ناتوانێت زاڵببێت بەسەر هەست و سۆزەكانیدا، گرنگترین خاسییەتەكانی مێینەش ئەوەیە كاتێك شتێكی دەستەبەر نابێت توڕە دەبێت".
دەربارەی دەربڕینەكانی توڕەبوون ئەو توێژەرە وتی: "باشترین رێگە بۆ دەربڕینی توڕەبوون لای ژنان وتووێژە و رێگەی گفتوگۆكردن پێویستە بگێرێتەبەر كاتێك كەسێك لە ئەندامانی خێزانەكەی یاخود هاوسەرەكەی توڕەی دەكات پێویستە وتووێژ بكەن".
ئاماژە بەوەشدەكات كە ئەگەر وتووێژ نەكرا، رەنگە ئەو ژنە بە شتی تر و رێگەی تر خۆی خاڵی بكاتەوە، ئەویش بە كەلوپەلی چێشتخانە كە فڕێی دەدات یاخود بە بۆڵەبۆڵ یانیش بە لێدانی منداڵەكانی كە بە داخەوە ئەمە زۆر رویداوە و دواتر دایكەكە وتویەتی ئاگام لێنەبووە كە چۆن لێمداوە و پێشتر توڕەبووم.
رەنگین نوری دوپاتی كردەوە كە زۆربەی كێشەكانی ژن و مێرد لەكاتی توڕەبووندا رویانداوە ئەوەش بە هۆی زۆر بڵێی ئافرەتەكە هەتاوەكو ئەوەی لە دڵیایەتی بیگەیەنێت.
سەبارەت بە رێگەچارەكانیش بۆ ئەوەی خێزانێكی بەختەوەر بژین، ئەو توێژەرە دەرونییە وتی: "رونكردنەوەی هۆكارەكانی تورەكردنەكەی ئەو ژنە و هەروەها وتووێژ لەگەڵ كەسانی تر گەر كەس نەبو ئەوا بە گریان یاخود نوسینەوەی توڕەبوونەكەیە بۆ نمونە لە كاغەزێكدا بنوسیت توڕەم، رێگەی تر زیكركردنە یان خۆسەرقاڵكردنە بەژمارەكانەوە، لە هەموشی گرنگتر جێهێشتنی ئەو شوێنەیە كە تیایدا توڕەدەبیت.
ئەو رێنمایكارە وتیشی: "زۆرجار ژنان توڕەبوون بە ناز دەزانن، هەر بۆیە پێویستە هۆكاری تورەبونەكەی رونكاتەوە و لە بەرامبەریشدا گوێی لێبگیرێت".

‌ 345 جار بینراوه‌
7/22/2017 11:34:13 AM
Print Friendly and PDF
بابەتی زیاتر ...
سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved