»  پەڕەموچ
حــەســـرەت...
ئەحمەد محەمەد قادر


هەتا دەستی نابینایت دەگرتم
زەینم لە چاوەكانم رۆشنتربوون،
خەیاڵ دەستی حەقیقەتی گرتبوو
نەك هەر گەڕەك،
ماڵ بە ماڵی یادگارییەكانتی دەناسی،
گوڵی نێو ئینجانەی موحیبەتتی
بەرەنگ و بۆوە دەبینی،
گەڵا یاخی بوو لە پایز
نەدەوەری..
هەر گوڵێ مەڵاقی وشك و
ئولفەتی ئاوی كردبا،
نمەی ئاونگی تۆرابا،
تۆزی پێی مناڵی كۆڵان 
میوە فرۆش،
سەیارەی غاز..
لە گەڵاو گوڵی نیشتبا..
جوتێ دییەی پوكەوەبووم،
چەشنی قەیسی بەرهەتاوبوون
بۆ گوڵی ئینجانەكانت،
فرمێسكی شەوی بێداریت 
وەكو كانی (بناویلێ )*
دەتەقین و دەكەوتنە رێ..!!
هەرچەن چاوگەی چاوەكانم
بەفر نەبوون خۆر بیگەزێ،
چەمێ نەبوو،بەنداو ها...ەی پێڕاگرێ.!
ژنێ بوو ئەو،
بەفر و ئاگر، هەردووك وەك یەك،
بۆی دەسوتێ..
* بناویلێ: كانیاوێكە لە بناری شاخی گۆیژە..

‌ 316 جار بینراوه‌
9/9/2017 11:08:12 AM
Print Friendly and PDF
بابەتی زیاتر ...
هۆشیار مەلا عەبدولڕەحمان
پارێزەر: لوقمان مستەفا ساڵح
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved