»  وەرزش
سۆما ئەبوبەكر لە چاوەڕوانی ئایندەیەكی گەشدایە




وەرزشی قوتابخانەكان رۆڵێكی بەرچاویان هەبووە لە پێگەیاندنی كچانی وەرزشكار لە شاری كەركوك، سۆما ئەبوبەكر یەكێكە لەو كچە یاریزانانە كە لە قوتابخانەوە دەستی بە وەرزش كردووە ، سۆما لەم دیدارەی لاپەڕەی وەرزشی (هەواڵ)ـدا، خواستەكانی خۆی ئاشكرا دەكات و دووپاتیدەكاتەوە گەر خانەوادە هاندەر نەبێت مەحاڵە كچە وەرزشكارەكان سەركەوتووبن .
 
*خۆت بناسێنە ؟ 
-ناوم سۆما ئەبووبەكرەو لە دایكبووی 2004شاری كەركوكم و ئێستاش خوێندكاری دوا ناوەندی ژاڵەی كچانم. 
* سۆما لە كوێ دەستی بە وەرزش كردو لە ئێستادا لە كوێی ؟ 
- وەكو سەرجەم كچانی شارەكەم دەستپێكم لە بواری وەرزش لە قوتابخانەوە بوو، بە تایبەتی لە یاری فوتساڵداو لە ئێستاشدا یاریزانی دواناوەندی ژاڵەم و یاریزانی هەڵبژاردەی پەروەردەی كەركوكم. 
* دەستكەوتە وەرزشیەكانت لەو ماوەیەدا چین؟ 
- جگە لەسەر ئاستی ناوخۆ، لەسەر ئاستی هەڵبژاردەی پەروەردەكانی عێراق لە ساڵانی  2015 و 2016 پلەی یەكەمی پەروەردەكانی كوردستانمان بەدەستهێنا و لە 2017 لەسەر ئاستی عێراق پلەی یەكەممان بەدەستهێنا. 
* سۆما زیاتر خۆی بە قەرزاری كێ دەزانێت ؟ 
*  سەرەتاپێش هەموو كەسێك خۆم بە قەرزاری خانەوادەكەم بە تایبەتی باوكی بەڕێزم دەزانم، گەر ئەو هاندەر و پاڵپشتم نەبووایە بەردەوامبوونم لە وەرزش  مەحاڵ بوو ، چونكە گەر خانەوادە پاڵپشتی لە كچەكانیان نەكەن ئەستەمە بتوانێت دەر بكەوێت ، لە رووی وەرزشیشەوە خۆم بە قەرزارباری مامۆستاكانم دەزانم بە تایبەتی مامۆستا قاسم كە رۆڵی بەرچاوی هەبووە لە سەر ئاستم و هەمیشە هانم دەدات و دەڵێت پێشبینی گەیشتنت بە هەڵبژاردەی عێراق لێدەكەم . 
* بۆ هیچ یانەیەك یاریت نەكردووە ؟ 
- تائێستا دەرفەت نەبووە، بەڵام بڕیار بوو لەم وەرزەدا یاری بۆ یانەی گازی باكور بكەم . 
*  ئاواتە وەرزشیەكانت چین ؟ 
-وەكو هەموو كچێك بە دەستهێنانی نازناوەكان ئاواتمە بۆ ئەمەش دەبێت خۆم ماندوو بكەم .

‌ 107 جار بینراوه‌
11/11/2017 10:06:55 AM
Print Friendly and PDF
بابەتی زیاتر ...
هۆشیار مەلا عەبدولڕەحمان
پارێزەر: لوقمان مستەفا ساڵح
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved