»  هەمەڕەنگ
نمایشی ئۆتۆمبێل لە كەركوك بۆ پێكەوەژیان دەكرێت


دووشەممەی رابردوو ژمارەیەك گەنجی شاری كەركوك، بە ئۆتۆمبێلی سپۆرتەوە لە یەكێك لە گۆرەپانەكانی شارەكە لە گەڕەكی رەحیماوا نمایشیان بە ئۆتۆمبێلەكانیان كرد، یەكێك لە بەشداربوانی ئەو نمایشەی دەڵێت مەبەستی ئێمە بۆ ئاشتی نێوان پێكهاتەكان و بەسەربردنی كاتێكی خۆشە لە نێوان پێكهاتەكان و ئەو كەسانەیە كە لە نمایشەكە بەشدار دەبن. 
هۆزان ستار، یەكێكە لەو كورە گەنجانەی بەشداری نمایشی ئۆتۆمبێلی كردوە، بۆ هەواڵ رایگەیاند:”مەبەستی ئێمە لە نمایشكردنی ئۆتۆمبێلەكان وێرای ئەوەی بۆ بەسەربردنی كاتێكی خۆشە هەروەها بۆ بڵاوكردنەوەی ئاشتی  و پێكەوە ژیانی نێوان سەرجەم پێكهاتە و ئاین و ئانیزاكانی  كەركوك”، ئەوەشیخستەروو:”ئێمە دابەشبوینە بەسەر دوو گرووپ كە هەریەكە لە گروپی ئۆتۆمبێلی ئەمریكی و گروپی ئۆتۆمبێلی بی ئێمە”.
هۆزان وتیشی:”بەداخەوە چەند جارێك داوامان كردوە بۆ ئەوەی شوێنێكی تایبەتمان هەبێت بۆ ئەوەی نمایشەكانمان بكەین بەڵام پێمان نەدراوە”.
ئاماژەی بۆ ئەوەكرد:”نمایشەكانی ئێمە لە ناو بازار و شاردا  نایكەین بۆ ئەوەی خەڵك بێزار نەبێت یاخود شەقامەكان بگرین”، وتیشی:”نمایشەكانی ئێمە راستەخۆ لە لایەن كاپتن گۆرانەوە بەرێوە ئەبردرێت”.

‌ 195 جار بینراوه‌
11/11/2017 10:09:01 AM
Print Friendly and PDF
بابەتی زیاتر ...
هۆشیار مەلا عەبدولڕەحمان
پارێزەر: لوقمان مستەفا ساڵح
راپرسی
پێت وایە دۆخی ئێستای كوردستان بەچی چارەسەر ئەبێت؟

سەرەکی  |    دەربارە  |    پەیوەندی  |    ئەرشیف
© 2015 HewalNews.com, All Rights Reserved